ՃԱՆԱՉՈՂԱԿԱՆ
ՆԱՎԱՐԿՈՒԹՅՈՒՆ
ԾՈՎԱՓՆՅԱ
29.10.23 թ. Երևանից կսկսվի մեր ճամփորդական արկածը: Իսկ 30.10.23 թ. առավոտյան ժամանելով Վիետնամի մայրաքաղաք Հանոյ՝ մեզ կդիմավորի տեղացի ուղեկցորդը ու կուղեկցի հյուրանոց: Մինչև ճաշը կունենանք որոշ ժամանակ թռիչքից հանգստանալու և ուժերը վերականգնելու համար, իսկ կեսօրից կսկսենք քաղաքային շրջայցը Հանոյում:
ՇՐՋԱՅՑ ՀԱՆՈՅ ՔԱՂԱՔՈՒՄ
Քաղաքային շրջայցը կսկսեք Գրականության տաճար այցելությամբ: 1076 թ. կառուցված Գրականության տաճարը Վիետնամի առաջին համալսարանն էր և ստեղծվել էր Վիետնամի թագավորական ընտանիքի անդամներին, մանդարիններին և էլիտայի անդամներին կրթելու նպատակով: Համալսարանը գործել է 700 տարի։ Տաճարի այգիները և լավ պահպանված ճարտարապետությունը հիանալի հնարավորություն են ծանոթանալու Վիետնամի անցյալին:
Այնուհետ կայցելենք գեղատեսիլ Հոան Կիեմ լիճ և Նգոկ Սոն տաճար: Այնուհետև կունենանք մեկժամյա խելահեղ բագգիներով շրջայց Հանոյի կոլորիտային փողոցներով, կծանոթանանք տեղացիների առօրյա կյանքին և թոհուբոհին, կվայելենք հիասքանչ Հին թաղամասը:
Մեր հաջորդ կանգառն է հայտնի Դոնգ Սյուան շուկան, որտեղից կարող եք հուշանվերներ գնել ձեր սիրելիների համար:
Այսօր մեզ բախտ կվիճակվի նաև ականատես լինել հայտնի ջրային տիկնիկային ներկայացմանը: Այս վիետնամական ավանդական արվեստի արմատները հասնում են 10-րդ դար՝ Հյուսիսային Վիետնամի Կարմիր գետի դելտա շրջան: Տիկնիկների խաղին տիրապետելը այստեղ ավանդույթ է, որ փոխանցվում է սերնդեսերունդ որպես ընտանեկան գաղտնիք: Գլխավոր բեմը ջրագծից ներքև է, իսկ տիկնիկավարները մինչև գոտկատեղը կանգնած են ջրի մեջ։ Տպավորիչ է հնչում, չէ՞:
Նախաճաշից հետո հարմարավետ մեքենայով ճանապարհ կընկնենք դեպի Հալոնգ Բեյ, որտեղ մեզ կսպասի 5* կրուիզ նավը: Նավամատույց հասնելուն պես կտեղավորվենք մեր սենյակներում և կսկսենք անմոռանալի նավարկությունը Հալոնգ Բեյի ծովախորշերում: Նավի վրա ճաշելուց հետո բավականին ազատ ժամանակ կունենանք տարբեր զվարճանքների կամ պարզապես նավի վրա հանգստանալու համար: Օրվա վերջում մեր նավը խարիսխ կգցի կարստային գոյացություններից մեկում։
Երեկոյան կվայելենք նավի վրա մատուցվող համեղ ընթրիքը, իսկ առավոտյան կարթնանանք անծայրածիր ծովում:
Եվս մեկ գեղեցիկ օր, որ կսկսենք Հալոնգ Բեյ ծովածոցի մեջտեղում՝ նավի վրա մատուցվող նախաճաշից, մինչ մեր հսկա նավը ժայռերի միջով դանդաղորեն ճանապարհ կընկնի դեպի նավահանգիստ:
Ուշ կեսօրին Հանոյ ժամանելուն պես հարմարավետ մեքենայով կտեղափոխվենք Նոյ Բայ օդանավակայան՝ դեպի Դանանգ թռիչքի համար:
Ժամանելով Դանանգ օդանավակայան, մեզ կդիմավորի մեր տեղացի գիդը և կուղեկցի հյուրանոց: Գիշերակացը կանցկացնենք Դանանգի ամենաշքեղ ծովափնյա հյուրանոցներից մեկում:
Հյուրանոցում նախաճաշելուց հետո կուղևորվենք դեպի Կամ Թան ջրային կոկոսի գյուղ, տեղում կծանոթանանք գյուղի պատմությանը: Այնուհետ մեզ սպասվում է բամբուկե նավերով նավարկություն կոկոսի գետի երկայնքով, որի ընթացքում ձկնորսները մեզ կսովորեցնեն բռնել ծովախեցգետիններ: Նավարկությունն ավարտելուց հետո կվերադառնանք Հոյ Ան քաղաք ճաշելու և զբոսնելու:
Հոյ Անը բացահայտելու լավագույն տարբերակը զբոսնելն է: Զբոսանքի ընթացքում կայցելենք պատմական առևտրային և համայնքային տներ, պաշտամունքի վայրեր և հայտնի ճապոնական ծածկված կամուրջ, կծանոթանանք տեղացիների առօրյային: Անծայրածիր բրնձի դաշտեր, բանջարանոցներ, շուկաներ, տաճարներ, պատմական տներ և ապշեցուցիչ տեսարաններ, որ մեզ չեն դադարի հիացնել: Իհարկե չենք մոռանա այս ամենը ֆիքսել տեսախցիկներով, որ անմոռանալի հիշողություններով կիսվենք ընկերների հետ: Գիշերակացը կանցնկացնենք Դանանգի մեր 5* հյուրանոցում:
Հյուրանոցում նախաճաշից հետո կուղևորվենք Դանանգ՝ Վիետնամի չորրորդ ամենամեծ քաղաքը, որ համարվում է կենտրոնական նահանգների դարպաս և ծովային նավահանգիստ՝ գեղեցիկ լողափերով և հանգստավայրերով:
Այսօր կայցելենք Բանա Հիլզ՝ թեմատիկ զբոսայգի, որը գտնվում է սարի գագաթին՝ 1500 մ բարձրության վրա: Այն ստեղծվել է 1920-ականներին ֆրանսիացիների կողմից, ամառային շոգից փախչելու նպատակով:
Մեր անչափ հետաքրքիր էքսկուրսիան կսկսենք Բա Նա լեռան ստորոտից մեկնարկող ճոպանուղուց, որը 2009 թ. գրանցել է Գինեսի 2 համաշխարհային ռեկորդ՝ ճանաչվելով աշխարհի ամենաերկար (5042 մ) և ամենաբարձր (1292 մ) նոն-ստոպ ճոպանուղին: Խցիկից կվայելենք անծայրածիր անտառների, փարթամ ջունգլիների և ջրվեժների տպավորիչ տեսարանները: Վստահ ենք, Բա Նա լեռների ամեն տեսարան մի նոր անկանխատեսելի բացահայտման զգացում կառաջացնի ձեզ մոտ:
Ճոպանուղու առաջին կայարանի մոտ կայցելեք Le Jardin, հին գինեգործարաններ, ֆրանսիական վիլլաների ավերակներ և Ling Ung Pagoda, որտեղ կտեսնենք 27 մետր բարձրությամբ Բուդդայի արձանը: Այնուհետև կշարունակենք դեպի ճոպանուղու երկրորդ կայարան՝ բարձրանալու լեռան գագաթը և տեսնելու հին վիլլաների ավերակները: Երբ նվաճենք Չուա լեռան գագաթը, 1487 մ բարձրությունից մեր առջև կբացվի ամբողջ Դանանգ քաղաքի համայնապատկերը: Այստեղից Dreaming Stream արահետի հետքերով կշարժվենք դեպի Ծիածանի ջրվեժ, Կախովի կամուրջ, Ոսկե հովիտ և ավերված Օպերայի շենք, ճանապարհին կտեսնենք վայրի կապիկների և իհարկե չենք մոռանա լուսանկարվել: Ոսկե կամրջով կզբոսնենք լեռան մառախլապատ բլուրների միջով և կվայելենք Դա Նանգ քաղաքի հիասքանչ տեսարանը: Ճաշից հետո ճոպանուղով կիջնենք կայարան և կվերադառնանք Դանանգ։
Այնուհետ կշարունակենք Դանանգի ուսումնասիրությունը՝ այցելելով Լին Ունգ պագոդա: Այստեղից բացվում է հիասքանչ տեսարան դեպի ծովը և Չամ կղզիները: Այստեղ նաև կտեսնենք ողորմության աստվածուհու՝ Գուանյինի 67 մետրանոց արձանը։ Ըստ տեղացիների՝ Գուանինը պաշտպանում է ձկնորսներին վտանգից, ուստի այստեղ հաճախ կարելի է հանդիպել զոհաբերություններ մատուցողների կամ աղոթողների:
Օրը կավարտենք հայտնի Հան շուկա այցելությամբ, որտեղ կարող եք հուշանվերներ գնել ձեր սիրելիների համար, և կվերադառնանք Դանանգի մեր հյուրանոց:
Դանանգում կունենանք 3 ազատ օր ուժերը վերականգնելու, տարատեսակ ջրային զվարճանքների, ձկնորսության և ուղղակի թարմ ծովամթերք վայելելու համար:
Նախաճաշից հետո կունենանք որոշ ազատ ժամանակ մինչև Դանանգ օդանավակայան տեղափոխումը, քանի որ ունենալու ենք ներքին թռիչքի դեպի Հոշիմին:
Տան Սոն Նհաթ օդանավակայան ժամանելուն պես մեզ կդիմավորի մեր տեղացի ուղեկցորդը և կուղեկցի հյուրանոց:
Կեսօրից հետո կայցելենք Անկախության պալատ և Պատերազմի մնացորդների թանգարան: Այնուհետև կզբոսնենք գաղութային Հոշիմին քաղաքի հիմնական տեսարժան վայրերով. Հին Սայգոնի փոստային բաժանմունք, Աստվածամոր տաճար, մեծ երկաթուղային կայարան, Dong Khoi փողոց, Continental հյուրանոց, Օպերա և Հո Շի Մին քաղաքի Ժողովրդական կոմիտե, որը Վիետնամի ամենաշատ լուսանկարված շենքերից մեկն է և աչքի է ընկնում իր այգիներով, զարդանախշ ֆասադով և էլեգանտ ինտերիերը լուսավորող բյուրեղյա ջահերով։ Ընթրիքից հետո կվերադառնանք հյուրանոց:
Նախաճաշից հետո կուղևորվենք դեպի Մի Թո՝ Մեկոնգ դելտայի սիրտը, որը հայտնի է իր հսկայական բրնձի դաշտերով և գեղեցիկ լանդշաֆտներով: Ճանապարհին կայցելենք Vinh Trang Pagoda և կանգ կառնենք Tien Giang գետի ափին: Նավով կուղևորվենք Մեկոնգ գետով դեպի Ֆենիքս կղզի, որտեղ արտադրվում են տեղական ձեռագործ աշխատանքներ և կոկոսից պատրաստված քաղցրավենիք:
Այստեղ կվայելենք թարմ սեզոնային մրգեր, ավանդական կենդանի երգ և երաժշտություն: Այնուհետ կունենանք Tuk Tuk-երով փոքր զբոսանք դեպի տիպիկ տեղացիների տուն՝ տնական մեղրով թեյ համտեսելու: Փոքր սամպան նավակներով կանցնենք գետի փոքր ջրանցքներով՝ ծանոթանալու տեղացիների առօրյա կյանքին, հետո կունենանք կարճատև զբոսանք Կրիայի կղզում: Ճաշից հետո կվերադառնանք հյուրանոց:
Այսքանով կավարտվի մեր ճանապարհորդությունը և կմեկնենք դեպի հարազատ Երևան՝ լի անմոռանալի տպավորություններով:
