#amenoor-ը խմբային ճանապարհորդական ակումբի նախագիծ է, որը հանդիսանում է Սպիննակեր Գրուպ ընկերության ապրանքային նշանը:

Մենք ստեղծել ենք ավելին, քան պարզապես ճանապարհորդական ակումբ՝ զբոսաշրջիկ բառի իմաստին ավելացնելով մի փոքր փիլիսոփայություն:

#amenoor-ը ինտելեկտուալ մարդկանց ակումբ է, որի անդամները սիրում են ճամփորդել ու բացահայտել նոր հորիզոններ:

Մարդիկ, ովքեր զբոսաշրջության մեջ տեսնում են ոչ միայն հանգիստ, այլ նաև ինքնաճանաչում ու ինքնազարգացում:

Մեզ հետ ինտելեկտուալ տուրիզմ ասվածը ստանում է երկու իմաստ՝ հնարավորություն խորապես զգալ տվյալ երկիրը և մեր մասնագետների միջոցով գրագետ պլանավորել արձակուրդը:

#amenoor-ը առաջարկում է ոչ ստանդարտ, արկածային, ճանաչողական, ակտիվ ճանապարհորդություններ դեպի Նեպալ, Նորվեգիա, Վիետնամ, Չինաստան, Ճապոնիա, Տանզանիա, Պերու, Իսլանդիա, Վենեսուելլա, Մեքսիկա, Մարոկկո, Ինդոնեզիա, Ֆիլիպիններ, Մադագասկար, Գերմանիա, Դանիա:

Ամեն տարի նախատեսվում է 10-15 հոգանոց խմբերով իրականացնել 10-12 ուղևորություն:

#amenoor-ի փորձառու թիմը նախապես ուսումնասիրում է տվյալ տարածաշրջանն՝ իր զբոսաշրջիկների համար ընտրելով առավել ուշագրավ, պատմական նշանակություն ունեցող վայրերը:

Յուրաքանչյուր այցելության պարտադիր բաղադրիչ մասն են կազմում տեղացիների հետ շփումը, արտասովոր ու գեղեցիկ ավանդույթներին ծանոթանալը, հանգստի համար նախատեսված ազատ օրերը:

#amenoor-ին միանալով՝ 2 և ավել ճանապարհորդությունից հետո դուք կունենաք աճող զեղչ և անակնկալ նվեր: Ձեռք կբերեք ընկերներ, որոնք կիսում են ձեր սերը ճանապարհորդությունների հանդեպ, կնպաստեք Հայաստանում խմբային ճանապարհորդությունների մշակույթի զարգացմանը: